ᖃᓄᖅ ᐊᑐᕐᑕᐅᔪᑦᓴᐅᕙ ᑖᓐᓇ ᐃᓕᓐᓂᐊᕈᑎ:
ᓄᓇᕐᔪᐊᓕᒫᒥ ᑲᓇᑕᒥᓗ ᓴᐳᓐᓂᐊᑏᑦ ᐃᓕᖓᔪᓄᑦ ᐃᓄᐃᑦ ᐱᒍᓐᓇᐅᑎᖏᓐᓄᑦ ᐊᓯᑦᔨᓯᒪᓕᕐᒪᑦᑕ ᐃᓄᐃᑦ ᖃᓄᐃᓕᖓᐅᓯᖏᑦ ᐊᒻᒪᓗ ᐱᑕᖃᕐᑎᓯᑦᓱᓂ ᐃᓕᓐᓂᐊᑏᑦ ᑐᓱᒋᒐᔭᕐᑕᖏᓐᓂᒃ.ᐱᔭᕆᒐᓱᐊᓪᓚᕆᑦᑕᖓ ᐃᓘᓐᓈᒍᑦ ᑕᒪᑦᓱᒪ ᐅᖃᓕᒪᓂᐅᑉ ᓱᓪᓕᑎᒥᒃ ᓄᒃᑭᖁᓪᓗᒍ ᑲᓇᑕ ᒪᓐᓇᐅᒪᑦ ᐱᕈᐃᓗᓂ ᐃᓕᓐᓂᐊᑎᓂᒃ ᖃᐅᔨᒪᓂᓕᓐᓂᒃ ᑕᒃᒎᓇ ᓯᕗᒧᒋᐊᕐᓗᑎᒃ ᐃᓄᐃᑦ ᐱᒍᓐᓇᐅᑎᖏᓐᓂᒃ ᓄᐃᓲᖑᒻᒪᑦ ᐊᑐᓂ ᐃᓄᐃᑦ ᐱᓇᓱᐊᕐᓂᖏᑎᒍᑦ.
ᑕᒃᑯᓇᓂ ᐃᓕᓐᓂᐊᕈᑎᐅᓂᐊᕐᓱᑎᒃᑦ ᐸᕐᓇᑕᐅᓯᒪᔪᓂ ᐱᓪᓗᒍ ᑭᓇᐅᓂᖅ ᐱᕐᖁᓯᒥᑎᒍᑦ ᑕᑯᖁᓚᖓᔪᑎᑦ:
- ᐊᐱᕐᓱᑕᐅᓯᒪᒍᑎᖏᓐᓂᒃ ᒥᐊᔨ ᓭᒪᓐ ᐊᒻᒪᓗ ᐃᓅᓯᖓᑕ ᐊᒃᓚᑕᐅᓯᒪᒍᑎᖏᓐᓂᒃ.
- ᐃᓕᓐᓂᐊᑏᑦ ᓱᒐᓱᐊᕈᑎᖏᑦ ᓴᐳᒻᒥᒍᑕᐅᑦᓱᑎᒃ ᑕᑦᓱᒥᖓ ᐃᓕᓐᓂᐊᒐᕐᒥᒃ, ᐃᓚᖃᕐᒥᓱᑎᒃ ᓱᒐᓱᐊᕈᑎᓂᒃ ᐊᑦᑐᐊᔪᓂᒃ ᑭᒃᒐᑐᕐᑎᐅᓂᕐᒥᓄᑦ ᐱᓇᓱᑦᑕᖏᓐᓂᒃ ᒥᐊᔨ ᓭᒪᓐ, ᓱᕐᕋᑕᐅᒍᑎᒋᓯᒪᔭᖏᑦ ᐊᓯᑦᔨᓂᕐᒧᑦ ᐃᓄᑐᐃᓐᓀᑦ ᐱᕐᖁᓯᖓᑕ ᐅᖃᐅᓯᖓᑕᓗ, ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖓ, ᓄᓇᕐᔪᐊᒥᐅᖑᖃᑎᒌᑦ ᐱᑐᑦᓯᒪᐅᑎᓂᖓᑕ ᐅᖃᒻᒪᕆᐅᑎᖓ ᐱᓪᓗᒋᑦ ᐱᒍᓐᓇᐅᑎᖏᑦ ᓄᓇᖃᕐᖄᓯᒪᔪᑦ ᐃᓄᐃᑦ, ᐊᒻᒪᓗ ᐊᔭᐅᕐᑕᐅᓱᑎᒃ ᓄᑦᑎᑕᐅᓯᒪᓂᖏᑦ.
- ᐱᖓᓱᑦ ᓀᓪᓕᑎᕐᓯᒪᑦᓱᑎᒃ ᓴᐳᒻᒥᒍᑏᑦ ᐊᒃᓚᖁᑎᖏᑦ ᐱᑕᖃᕐᑎᑕᐅᒻᒥᔪᑦ ᓯᐊᒻᒪᑎᑦᓯᓂᕐᒧᑦ ᐃᓕᓐᓂᐊᕈᑎᓂᒃ ᑲᔪᖏᕐᓭᓂᕐᒧᓗ ᐃᓕᓐᓂᐊᑎᓂᒃ ᓇᓗᓀᕐᓯᓗᑎᒃ ᐃᓚᖃᕐᑎᓗᒋᑦ ᐊᑦᔨᒌᖕᖏᑐᓂᒃ ᓴᐳᒻᒥᒍᑎᓂᒃ ᐃᓕᖓᔪᓂᒃ ᐃᓄᐃᑦ ᐱᒍᓐᓇᐅᑎᖏᓐᓄᑦ.
ᓴᐳᒻᒥᒍᑎᒋᓗᒍ ᐃᓕᓐᓂᐊᕈᑎᓂᒃ ᑕᑯᓚᖓᒻᒥᔪᑎᑦ:
- ᐊᕕᑦᑐᓯᒪᔪᑦ ᐊᒃᓚᑕᐅᓯᒪᑦᓱᑎᒃ ᓂᕈᐊᕐᑕᐅᓯᒪᔪᑦ ᐱᖁᔭᑎᒍᑦ ᐊᑐᕐᑕᐅᔪᑦᓴᐅᓱᑎᒃ ᐱᑐᑦᓯᒪᑦᓱᑎᒃ ᑕᒪᑦᓱᒧᖓ ᐱᕐᖁᓯᕐᑎᒍᑦ ᑭᓇᐅᓂᕐᒧᑦ.
- ᑭᒃᒐᑐᕐᑑᑉ ᓱᒐᓱᐊᕈᑎᒋᓯᒪᔭᖏᑦ ᐱᑐᑦᓯᒪᔪᑦ ᑌᑲᓂᓪᓗᐊᖅ ᐊᑑᑎᓂᕐᒧᑦ ᐱᕕᑦᓴᓕᐊᖑᓯᒪᔪᑦ ᓯᕗᒧᒋᐊᕐᓂᒧᑦ ᐊᒻᒪᓗ ᐅᑎᕆᐊᕐᑎᑕᐅᓂᕐᒧᑦ ᑖᒃᑯᓇᓂ ᐃᓄᐃᑦ ᐱᒍᓐᓇᐅᑎᖏᓐᓂ ᓄᐃᑦᓯᓂᕐᒧᑦ ᓱᕐᕃᓂᐊᕐᑐᓂᒃ ᓄᓇᖃᕐᖄᓯᒪᔪᓄᑦ ᐃᓄᓐᓄᑦ.
ᐃᓕᓐᓂᐊᑎᑦᓯᔩᑦ ᓂᕈᐊᕈᓐᓇᓴᖕᖏᔦᑦᑐᑦ, ᐊᑐᕐᑕᐅᑎᓚᖓᔭᒥᓂᒃ ᐊᑕᐅᓯᕐᒥᒃ ᐃᓘᓐᓇᖏᓐᓂᓘᓐᓃᑦ ᐊᑐᕐᑕᐅᖁᔭᐅᓯᒪᔪᓂᒃ ᐃᓕᓐᓂᐊᑎᓄᑦ ᓱᒐᓱᐊᕐᑎᓯᒍᑕᐅᓗᑎᒃ.
ᐃᓕᑦᓯᔭᐅᒐᔭᖁᔭᐅᔪᑦ
ᑭᖑᓂᖓᒍᑦ ᑕᒪᑦᓱᒪ ᐃᓕᓐᓂᐊᓂᐅᑉ ᐃᓕᓐᓂᐊᑏᑦ ᐃᒣᓐᓂᐊᑐᑦ:
- ᖃᐅᔨᒪᓂᕐᓴᐅᓕᕐᓗᑎᒃ ᒪᑯᓂᖓ:
- ᒥᐊᔨ ᓭᒪᓐ ᐱᓇᓱᑦᑕᖓᓂᒃ ᓴᐳᒻᒥᔨᐅᓂᕐᒥᓄᑦ ᐱᕐᖁᓯᕐᑎᒍᑦ ᑭᓇᐅᓂᕐᒥᒃ ᐃᓕᓐᓂᐊᕐᑎᑦᓯᓂᒃᑯᑦ.
- ᐱᔭᕐᓃᑑᓂᖓᓂᒃ ᐊᓯᑦᔨᓂᐅᑉ ᐃᓅᑦᔪᓯᖏᑎᒍᑦ ᐊᒻᒪᓗ ᓱᕐᕋᑕᐅᒪᐅᑎᖏᑦ ᐃᓄᑐᐃᓐᓀᑦ ᐃᓄᐃᑦ.
- ᓱᕐᕃᓯᒪᓂᖓ ᓄᓇᕐᔪᐊᑉ ᐊᓯᑦᔨᓂᖓᑕ ᑕᕐᕋᒥᐅᓂᒃ ᐃᓄᓐᓂᒃ.
- ᑐᑭᓯᒪᑦᓯᐊᓂᕐᓴᕈᕐᓗᑎᒃ ᒪᑦᓱᒥᖓ:
- ᑭᖕᖒᒪᓇᕐᓂᖓ ᐃᓄᑐᐃᓐᓀᑦ ᐋᕐᕿᕈᑎᑦᓴᖏᑦᑕ ᐱᑦᔪᑎᓄᑦ ᓱᕐᕃᓯᒪᓕᕐᑐᓄᑦ ᐃᓄᑐᐃᓐᓇᓂᒃ, ᓄᓇᓕᖏᓐᓂᒃ, ᐱᕐᖁᓯᖓᓂᒃ ᐅᖃᐅᓯᖓᓂᓪᓗ, ᒪᑯᑎᒎᓇ ᐃᓕᓐᓂᐊᓯᒪᓂᐅᒋᐊᓕᒃ, ᖃᓄᐃᖕᖏᓯᐊᕆᐊᖃᕐᓂᒧᑦ ᐱᒪᔭᐅᑦᓯᐊᕈᑎᐅᒋᐊᓖᑦ ᐊᒻᒪᓗ ᐃᒃᓗᐃᓂᐊᕐᓂᖅ.
- ᑐᑭᓯᒪᓗᑎᒃ ᐊᖏᕐᕋᓕᐊᖑᓯᒪᔪᒥ ᐃᓕᓐᓂᐊᑎᐅᓯᒪᔪᑦ ᐊᓂᒍᐃᒍᓐᓇᓯᒪᓂᖏᓐᓂᒃ.
- ᐃᓕᑦᓯᓗᑎᒃ ᐅᖄᒍᑎᖃᕐᓂᒥᒃ ᐱᒻᒪᕆᐅᓂᖏᓐᓂᒃ ᐃᓄᐃᑦ ᐱᒍᓐᓇᐅᑎᖏᑦᑕ.
- ᐊᑐᓕᕐᑎᓗᒍ ᐃᓕᑦᓯᔭᕕᓂᓂ ᐃᓱᒻᒪᓯᕐᒥᒍᑦ ᐃᑉᐱᓂᐊᕐᓂᒥᑎᒍᓪᓗ ᓇᒻᒥᓂᖅ ᓄᓇᓕᒻᒥᓂ ᐱᓗᒋᑦ ᑐᑭᖃᕐᑎᑕᐅᒍᑎᖏᓐᓂᑦ ᐱᕐᖁᓯᒥᑎᒍᑦ ᑭᓇᐅᓂᐅᑉ.
ᐃᓕᑦᓯᕙᓪᓕᐊᓂᕐᒧᑦ ᐱᒍᓐᓇᓯᔭᐅᓯᒪᒋᐊᓖᑦ
ᑭᖑᓂᖓᒍᑦ ᑖᑦᓱᒪ ᐃᓕᓐᓂᐊᓂᐅᑉ ᐃᓕᓐᓂᐊᑏᑦ ᐱᕙᓪᓕᓯᒪᓚᖓᔪᑦ ᐅᑯᑎᒎᓇ ᐱᒍᓐᓇᓯᔭᐅᓯᒪᒋᐊᓕᑦᑎᒍᑦ:
- ᐱᓗᑎᒃ ᖃᓄᐃᑦᑑᓂᖓᓂᒃ ᐊᕐᖁᑎᒋᓗᒋᑦ ᑕᕐᕋᓕᔮᒉᑦ.
- ᐃᓚᖃᖃᑦᑕᓕᕐᑎᓗᒋᑦ ᑐᑭᖃᑦᓯᐊᑐᓂᒃ ᐁᕙᒍᓯᕐᓂᒃ ᐅᖃᖃᑎᒌᓕᕈᑎᒃ ᐊᒥᓱᐃᖑᓗᑎᒃ.
- ᖃᐅᔨᓴᕐᓗᒋᑦ, ᐃᓂᓪᓚᑎᕐᓗᒋᑦ ᑐᑭᓯᓇᕐᓯᓯᒪᑎᓪᓗᒋᓪᓗ ᖃᐅᔨᒪᔭᐅᒋᐊᓖᑦ.
- ᑐᑭᖃᕈᑎᖓᓂᒃ ᓄᐃᑦᓯᒍᓐᓇᓗᓂ ᐃᓱᒪᒐᓱᐊᕈᑕᐅᒋᐊᖃᕐᓂᖓᓂᓪᓘᓃᑦ ᐃᓱᓕᑎᑦᓯᒍᑎᑦᓴᓂᓪᓗ ᓄᐃᑦᓯᒍᓐᓇᓯᓗᓂ.
- ᓄᐃᑦᓯᒍᓐᓇᓗᓂ ᖃᐅᔨᒪᒍᑎᐅᒋᐊᓕᓐᓂᒃ ᖃᐅᔨᒪᒍᒥᓇᕐᑐᓯᐊᖑᑎᑦᓯᓗᓂ ᒪᓂᒪᑎᑦᓯᓕᕈᓂ.
- ᓲᓱᑦᓴᕈᓐᓇᓗᓂ ᐳᕿᐊᒋᔭᐅᒍᑎᖏᓐᓂᒃ ᐃᓱᒪᒋᔭᒥᑦᑕ ᐊᓯᒥᓄᑦ.
- ᐊᑑᑎᑎᑦᓯᒍᓐᓇᓗᓂ ᑭᒃᒐᑐᕐᓂᒧᑦ ᓱᒐᓱᐊᕈᑎᐅᒋᐊᓕᓐᓂᒃ.
- ᐁᕙᒍᑎᒋᒍᓐᓇᓗᒍ ᖃᓄᖃᐃᓕᖓᐅᓯᕐᒥᒃ ᓴᐳᒻᒥᓂᖅ ᐱᓪᓗᒍ.
ᐊᐱᕆᒍᓯᖅ ᑭᐅᔭᐅᒍᓇᐅᑦᓴᐅᑎᒋᔪᓂᒃ ᐊᐱᕆᐅᑎᖃᕐᓱᓂ
- ᖃᓅᖅ ᐃᓕᓐᓂᐊᓯᒪᒋᐊᖃᕐᓂᖅ ᐊᑐᕐᓂᖃᑦᓯᐊᕋᔭᕐᖃ ᑐᑭᖃᓚᑦᓯᔭᐅᑦᓯᐊᓗᓂ ᐃᓄᑐᐃᓐᓇᓄᑦ ᐊᑑᑎᒍᓐᓇᕈᑎᒋᓂᐊᕐᓗᒍ ᐱᑕᙯᓐᓇᕈᓐᓇᓗᓂ ᐃᓅᒍᓯᖅ ᐅᓪᓗᒥ ᓄᓇᕐᔪᐊᒥ ᐃᖏᕐᕋᔪᑦ ᒪᓕᑦᓱᒋᑦ?
- ᖃᓄᐃᓕᖓᓗᓂ ᓴᐳᒻᒥᒍᓯᖅ ᑲᓇᑕᒥᐅᓂᒃ ᐃᓄᑐᐃᓐᓇᓂᒃ ᐃᓅᒍᓯᖏᓐᓂᒃ ᐱᐅᓯᕐᒥᒍᑦ ᐱᕙᓪᓕᑎᑦᓯᒍᓐᓇᕋᔭᕐᖃ ᐃᓘᓐᓇᖏᓐᓂᒃ ᑲᓇᑕᒥᐅᓂᒃ?
ᐃᓕᓐᓂᐊᕈᑏᑦ
ᐱᕕᑦᓭᑦ ᐱᑦᔪᑎᓪᓗ ᐱᓪᓗᒋᑦ ᐃᓄᐃᑦ ᐱᒍᓐᓇᐅᑎᖏᑦ ᐊᑕᑎᑕᐅᔪᑦ ᐃᓕᓐᓂᐊᕈᑎᑦᓴᓕᒫᑦᓯᐊᓂ. ᑖᓐᓇ ᐃᓕᓐᓂᐊᑕᐅᓂᐊᕐᑎᓗᒍ ᐸᕐᓇᑕᐅᓯᒪᔪᖅ ᐱᑕᖃᕆᐊᖃᕐᑎᓯᔪᖅ ᐃᓕᓐᓂᐊᑏᑦ ᓱᒐᓱᐊᕈᑎᖏᑦ ᓇᓪᓓᓂᑦᓯᒪᑦᓯᐊᕈᑎᐅᓂᐊᕐᑎᓗᒋᑦ ᐃᓕᓐᓂᐊᑕᐅᓯᒪᒋᐊᖃᕐᑎᓗᒋᑦ ᓂᕆᐅᒍᑎᐅᔪᓄᑦ ᓄᓇᖃᕐᖄᓯᒪᔪᑦ ᓯᓚᑦᑐᓴᕐᓂᖏᓐᓂ, ᐅᖃᐅᓯᖅ, ᐃᓄᐃᑦ ᖃᓄᐃᑦᑑᒍᓯᖏᑦ, ᑎᒥᐅᑉ ᖃᓄᐃᓗᒋᐊᖃᖕᖏᓂᖓ ᓱᓇᑐᐃᓐᓇᒥᒃ ᐱᒃᑯᒥᓇᕐᑐᓕᐅᕈᓐᓇᓂᖅ ᐃᓚᖃᕐᒥᓱᓂ ᑎᒥᐅᑉ ᖃᓄᐃᖕᖏᓯᐊᕐᓂᕆᒋᐊᓕᖓᓂᒃ, ᓄᓇᓕᕐᔪᐊᖃᖃᑕᐅᓂᖅ, ᒪᓕᒌᑦ ᐱᓪᓗᑯᒍᓰᓪᓗ.
ᐱᓇᓱᒍᑏᑦ ᐱᐅᒃᑯᑎᑕᖏᑦ
ᒪᓕᓪᓗᒋᑦ ᓱᒐᓱᐊᕈᑏᑦ ᐊᑐᕋᑦᓴᓕᐊᖑᓯᒪᔪᑦ ᐊᑐᕆᐊᖃᑐᐃᓐᓇᕆᐊᖃᕐᑐᑎᑦ ᐃᒐᓛᖑᔭᒥᒃ ᑕᑯᑦᓴᐅᑎᑦᓯᒍᑎᒥᒃ, ᖃᕆᑕᐅᔭᐅᑉ ᐱᑐᒍᑎᖓᓂᒃ ᓄᓇᕐᔪᐊᒧᑦ, ᖃᕆᑕᐅᔭᕈᑎᓂᒃ, YouTube, ᐊᒻᒪᓘᓐᓃᑦ ᑲᓇᑕᒥ ᑕᕐᕋᓕᔮᒐᓕᐅᕐᑎᑦ ᑕᕐᕋᓕᔮᒐᖁᑎᖏᑦ (NFB) ᑕᕐᕋᓕᔮᒐᖏᑦ (ᓂᐱᑦᓴᔭᐅᔭᒧᑦ ᖃᕆᑕᐅᔭᒃᑯᓘᓐᓃᑦ) ᐃᓚᒋᔭᐅᑎᓪᓗᒍ ᐱᑕᖃᕇᕐᑐᓄᑦ ᑐᓴᕐᑎᓯᐅᑎᓄᑦ ᖃᕆᑕᐅᔭᐅᑉ ᑕᑯᑦᓴᐅᑎᑦᓯᕕᖓᒍᑦ ᓄᓇᕐᔪᐊᒧᑦ, ᑕᑯᑦᓴᐅᑎᑦᓯᒍᑎᐅᓯᒪᔪᑦ ᓯᑯᑦᓴᔭᕐᑕᖏᑦ ᐱᐅᒃᑯᑎᑕᖏᓪᓗ ᐃᓄᑑᓈᕐᑎᑐᓂᒃ ᐃᓕᓐᓂᐊᑎᓂᒃ ᓴᐳᒻᒥᒍᑎᒋᓗᒋᑦ ᐊᒥᓱᐃᖑᓗᑎᓪᓘᓃᑦ
ᐱᖁᔭᑎᒎᕐᑐᓂᒃ ᐊᐅᓚᑦᓯᒍᑏᑦ
ᓱᓕᔪᓂᒃ ᐅᖃᓕᒪᓗᓂ ᓄᒃᑭᑎᑦᓯᒍᑎᒋᓗᒋᓪᓗ ᑲᓇᑕᒥ ᓄᐃᑕᓪᓗᕆᑦᑎᓯᓂᐅᒻᒪᑦ ᐱᖓᓲᔪᕐᑐᓂᒃ ᐱᖁᔭᓕᕆᓂᕐᒧᑦ ᐊᐅᓚᑦᓯᒍᑎᐅᒍᓐᓇᑐᓂᒃ ᑖᒃᑯᓇᓂ ᐱᔭᕆᐊᑭᑦᑐᓕᐊᕆᓯᒪᔭᖏᓐᓂ ᐊᒃᓚᕕᐅᒋᐊᓕᓐᓂ,ᐃᓚᐅᔪᖅ ᑐᖕᖓᕕᖏᓐᓄᑦ ᓵᖕᖓᓯᒍᑎᓄᑦ ᑖᒃᑯᓇᓂ ᖁᓕᓪᓗ ᒪᕐᕈᓗᓂ ᐃᓕᓐᓂᐊᕈᑎᑦᓴᐅᑎᓪᓗᒋᑦ ᐸᕐᓇᑕᐅᓯᒪᔪᓂ. ᓂᕈᐊᕐᑕᐅᓯᒪᔪᑦ ᐊᒃᓚᓯᒪᔪᐃᑦ ᐊᒻᒪᓗ ᐊᕕᑦᑐᓯᒪᓂᖏᑦ ᑖᒃᑯᐊ ᐱᖁᔭᑎᒍᑦ ᐱᓇᓱᐊᕈᑏᑦ ᒪᓂᒪᑎᑕᐅᔪᑦ ᑕᒃᒐᓂ ᐃᓕᓐᓂᐊᒐᐅᑉ ᐸᕐᓇᑕᐅᓯᒪᓂᖓᓂ ᖃᐅᔨᓯᒪᔭᕘᕈᑎᐅᓗᓂ ᐅᖃᓕᒪᒍᑕᐅᓯᒪᔪᓂᒃ ᖃᐅᔨᓴᕐᑕᐅᓯᒪᔪᓂᓪᓗ.
ᓄᓇᕐᔪᐊᓕᒫᒥ ᐅᖃᒻᒪᕆᐅᑎ ᐱᓪᓗᒋᑦ ᐃᓄᐃᑦ ᐱᒍᓐᓇᐅᑎᖏᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 1: ᐱᒍᓐᓇᐅᑎ ᐊᑦᔨᐅᑎᑕᐅᓂᕐᒧᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 3: ᐱᒍᓐᓇᐅᑎ ᐃᓅᓯᕐᒧᑦ, ᐃᓱᒪᕐᓱᕈᓐᓇᓂᖅ ᓇᒻᒥᓂᕐᓗ ᐊᑦᑕᓇᕐᑐᒦᖕᖏᓂᖅ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 5: ᓱᓇᐅᖕᖏᓕᑎᕐᑕᐅᑐᐃᓐᓇᕇᒃᑯᑎᖃᕐᓂᖅ ᐊᓯᒋᔭᒧᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 6: ᐱᒍᓐᓇᐅᑎᖃᕐᓗᓂ ᐃᓕᑕᕆᔭᐅᒍᓐᓇᐅᑎᒥᒃ ᐱᖁᔭᑎᒍᑦ ᐃᓅᖃᑕᐅᒋᐊᖓ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 7: ᐱᒍᓐᓇᐅᑎᖃᕐᓗᓂ ᐊᑦᔨᐅᑎᑕᐅᒍᑎᒥᒃ ᐱᖁᔭᑎᒍᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 22: ᐱᒍᓐᓇᐅᑎᖃᕐᓗᓂ ᐃᓅᖃᑕᐅᓂᕐᒥᓄᑦ ᐊᑦᑕᓇᕐᑐᒦᒌᒃᑯᑎᓄᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 25: ᐱᒍᓐᓇᐅᑎᖃᕐᓗᓂ ᓈᒻᒪᓈᑦᓯᐊᑐᓂᒃ ᐃᓅᓂᐅᑉ ᒪᓕᒐᖏᑎᒍᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 26: ᐱᒍᓐᓇᐅᑎᖃᕐᓗᓂ ᐃᓕᓐᓂᐊᕈᓐᓇᐅᑎᒥᒃ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪ 27: ᐱᒍᓐᓇᐅᑎᖃᕐᓗᓂ ᐃᓚᐅᒍᓐᓇᓗᓂ ᐱᕐᖁᓯᐅᑉ ᐃᓅᓯᖃᕈᑕᐅᒍᑎᖏᓐᓄᑦ ᓄᓇᓕᒻᒥᑦ
ᑲᓇᑕᒥᐅᑦ ᐱᖁᔭᕐᔪᐊᖅ ᑲᓇᑕᒥ ᐊᑐᕐᓱᒍ ᐱᒍᓐᓇᐅᑎᖏᑦ ᐃᓱᒪᕐᓱᕈᓐᓇᐅᑎᖏᓪᓗ
- ᐊᕕᑦᑐᓯᒪᐅᑎ 2: ᐱᑕᖃᕆᐊᓖᑦ ᐃᓱᒪᕐᓱᕈᓐᓇᐅᑏᑦ.
- ᐊᕕᑦᑐᓯᒪᐅᑎ 3: ᐱᒍᓐᓇᐅᑎᖏᑦ ᓄᓇᓕᕐᔪᐊᖃᖃᑕᐅᔪᑦ ᓂᕈᐊᕐᓂᒧᑦ ᐊᒻᒪᓗ ᓂᕈᐊᕐᑕᐅᑎᒐᓱᐊᕐᓂᒧᑦ ᑲᕙᒪᐅᑉ ᐊᒃᓚᕕᖁᑎᖏᓐᓄᑦ.
- ᐊᕕᑦᑐᓯᒪᐅᑎ 7: ᐱᒍᓐᓇᐅᑎ ᐃᓅᓯᕐᒧᑦ, ᐃᓱᒪᕐᓱᕈᓐᓇᓗᓂ ᐊᑦᑕᓇᕐᑐᒦᒌᒃᑯᑎᖃᕐᓗᓂᓗ ᐃᓄᒻᒧᑦ ᐃᓕᖓᔪᓂᒃ.
- ᐊᕕᑦᑐᓯᒪᐅᑎ 12: ᐱᒍᓐᓇᐅᑎ ᐱᑦᔪᑎᖃᕐᓱᓂ ᖃᓄᑐᐃᓐᓇᖅ ᐱᓗᑲᑦᑕᐅᒌᒃᑯᑎᒥᒃ ᐱᐅᓯᖃᕈᓯᐅᖕᖏᑐᒥᓪᓘᓃᑦ ᐱᐅᓯᖃᕐᕕᐅᒌᒃᑯᑎ.
- ᐊᕕᑦᑐᓯᒪᐅᑎ 15: ᐊᑦᔨᐅᑎᑕᐅᓗᑎᒃ ᐱᒍᓐᓇᐅᑏᑦ.
- ᐊᕕᑦᑐᓯᒪᐅᑏᑦ 25,32,35: ᓄᓇᖃᕐᖄᓯᒪᔪᑦ ᐃᓄᖏᑦ ᐊᒻᒪᓗ ᓄᓇᖃᕐᖄᓯᒪᔪᑦ ᐃᓄᖏᑦᑕ ᓇᒻᒥᓂᖅ ᑲᕙᒪᓐᓂᖓ
ᐅᖃᒻᒪᕆᐅᑎ ᑖᒃᑯᓄᖓ ᐱᒍᓐᓇᐅᑎᖏᓐᓄᑦ ᓄᓇᖃᕐᖄᓯᒪᔪᑦ ᐃᓄᖏᑦᑕ
ᐊᑐᓂᓕᒫᑦᓯᐊᖅ ᐊᕕᑦᑐᓯᒪᐅᑏᑦ ᓴᐳᒻᒥᒍᑎᑕᓖᑦ ᐱᕐᖁᓯᕐᒥᒍᑦ ᑭᓇᐅᓂᐅᑉ ᑌᔭᐅᒍᓯᖓᓂᒃ ᑭᓯᐊᓂ ᓄᐃᑕᑎᓗᐊᖕᖑᐊᑕᕗᑦ ᐅᑯᐊ ᐊᒃᓚᑕᐅᓯᒪᔪᑦ ᑐᖕᖓᕕᖃᕐᓱᑎᒃ ᐃᓕᓐᓂᐊᑏᑦ ᓱᒐᓱᐊᕈᑎᖏᓐᓂᒃ ᒥᐊᔨ ᓭᒪᓐ ᐃᓕᓐᓂᐊᑎᑦᓯᓂᕐᒧᑦ ᐸᕐᓇᓯᒪᔭᖏᑎᒍᑦ.
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 3: ᐱᒍᓐᓇᐅᑎ ᓇᒻᒥᓂᖅ ᑐᑭᑖᕈᓐᓇᓂᕐᒧᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 7: ᐱᕐᖁᓯᓪᓗᑐᕐᒥᓂᒃ ᐊᑑᑎᑦᓯᐊᓗᓂ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 8: ᑭᓇᐅᓂᐅᑉ ᓇᓗᓀᒃᑯᑕᖓ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 9: ᓄᓇᓖᑦ ᓯᓚᕐᔪᐊᒥᐅᓪᓗ ᐃᓄᐃᑦ ᐊᑦᔨᒌᖕᖏᑐᑦ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 10: ᐲᕐᑕᐅᓂᖅ ᓄᑦᑎᑎᑕᐅᓃᓪᓗ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 14: ᐅᖃᐅᓯᖅ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 15: ᐃᓕᓐᓂᐊᓯᒪᒍᓐᓇᐅᑎ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 19: ᑐᑭᑖᕆᐊᓕᓐᓂᒃ ᑐᑭᑖᕈᑎᖃᕈᓐᓇᓂᖅ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 24: ᖃᓄᐃᖕᖏᓯᐊᕆᐊᖃᕐᓂᖅ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 26: ᐱᒋᔭᐅᒍᓐᓇᐅᑎ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 30: ᐱᑦᓴᑖᕐᕕᐅᒍᓐᓇᑐᑦ ᐱᕙᓪᓕᐊᒍᑕᐅᓂᐊᕐᓗᑎᒃ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 31: ᓇᒻᒥᓂᖅ ᑲᕙᒪᓐᓂᖅ
- ᐊᕕᑦᑐᓯᒪᓂᖏᑎᒍᑦ ᐊᒃᓚᓯᒪᔪᑦ 36: ᓄᓇᓂᒃ ᓇᒻᒥᓂᕐᑖᓂᕐᒧᑦ ᐊᖏᖃᑎᒌᒍᑏᑦ ᐊᒻᒪᓗ ᐊᖏᖃᑎᒌᒍᑎᐅᓯᒪᔪᑦ
