Tānsi Kesapacihtayin Oma

Misiwe oma askiy ka kispewātaki oma kēsi pamihimiht eyiniwa mistahi ma meskwatastāwak kekwāy ekosi okiskinahamawākana e-sihkiskawātcik. E-isi kakwe kaskihtāniwik oma Awamih kā sihtoskawat Kānata ka kwe opinikātek eyinesiwin kiskinahamawākanak kicih ka kiskihyitākik ka wihkoscikātek kekwāy ekosi e-kispewtamihk Eyinew opimātsiwin.

Ewako oma ka wih atoskātamihk, Tāpwewin ekwa Poniyitamiwin kika misken ota ewakohi:

• Kā wecihpeskwemiht Chief Littlechild ekwa ka acimiht.
• Kiskinahamawākanak ka totāhkik kekwāy ekosi tāskoc oma kiskinahamākewin, ekwakoni mēna, ka masinahaman ka kih peci itāhkamikisit awa Chief Littlechild, ka kih kanaweyimihcik okiskinahamawākanak ota Kānata ekwa ka kih isi miskikātek Tāpwewin ekwa Poniyitamiwin mēna tānsi tesi waskawetotamihk om aka masinahikātek ekota.
• Nisto oki ka acimihcik o kispewātcikewak ekosi nawac kekwāy awaste ka kiskinahamākiwak ekwa ka sihkiskawihcik kiskinahamawākanak ka nistawinawātcik ohi ka sohkikāpaweyit eyiniwa pimātsiwin kā kispēwihk.

Ekwa ka wecihikowin oma ka kiskinahamākeyin Tāpwewin ekwa Poniyitamiwin, ewakoni mēna ohi ka misken ota:

• Pa piskihc e masinahikateki oyasowewina ekota ike apatahki Tāpwewin ekwa Poniyitamiwin.
• Kiskinahamawakak ka totakik kekwāy ka aniskopayik anima Moments in Time ka isi wihcikatek ka ati isi ispayik ekwa mēna ita ike atsimikocik oki katoskatakik eyinew ka kispewatiht Kānata kicih ka kitapihk.

Kēya ahpo pikwānihi kāki apatcitān kiskinahamakewina.

Kākeyaw ohi kiskinahamawākanak ka totakik ka kih ispayew 5 isko 12 ka itakisocik, māka e-asweyitākik kekwāy ka koskwāpisihkik. Okiskinahamākewak ka kitāpahpātāhkik kekwāy anima ka kiskinahamākecik.

Itekē ka isi kiskinahamākeyin

Ispe kiskinahamātwāwi oki kiskinahamawākanak ewakoma:

• Ka ati nistotamwak ka kih isi weciwitocik oki pa pētos Askewiyiniwak ekwa oki Moniyāsak ka kih takosikik oma askiy.
• Ka nistawinamwak ohi kā kih itāpatāhki ita kā kih kanaweyimihcik Awāsisak ka kih kiskinahamācik.
• Ka nistawinākik oma e-isi totākocik oki ka kih kiskinamakowiscik mēna keyapic ka isi totakocik.
• Ka nistaweyitakik ohi oyasowewina ka kispewemākaki eyinew opimātsiwin anima ka itastek masinahikan Māmawi Askiya United Nations Itwewin kicih oki Askeweyiniwak Ka Kispewāticik.(UNDRIP).
• Ka cihkeyimocik ka setoskākik  mena ka wecihiwecik Poniyitamiwin kicih Askeweyiniwak Kānata.

Kēsinakacihtahk kekwāy kosihomākahk

Ispih oma kesi kiskinahamākeyini ewakoni ohi ka nakacihtāwak kokiskinahamākanak.

• Ka māmawi totāhkik ka nanāspitākih totahkik.
• Ka nākatiyitākik oma kih tamāhcihocik ispih ewakweyo e-kesi totāhkik.
• Ka māmawi pekswātākik ewakweyew.
• Ka wapatākik cihkāstepayiwin ekwa ka kakwecihkemocik anima ka wapātakik.
• Ka mawatcihtācik , ka mamitoniyitākik, ka itwestamātākik, ekwa ka kēsiyitakik anima kiskeyitamiwin kotinakik.
• Ka iteyitākik kekwāy ekwa ekota ohci ka kēsiyitākik.
• Ka māmawi iteyitākik omaka māmawi wecihitocik.
• Ka wecihiwecik oma ka oyiyihcikātek kekwāy kākih pekiskwātamihk.
• Ka wecih mosihtāmācik ohi kiskinahamātowinihk ka kih kanaweyitākosiyit.
• Ka totācik ka isi nihtā pēkiskwecik.

Kakwēcihkemowin ka kiskinotahiwemākaki

1. Tānsi oma ka isi āsowihpayik oma ka kih isi pamihēcik oki ka kih kanaweyitākoscik?
2. Kekwāy omaka kasihikātek nehiyāwin kecikātek?
3. Kekwāy oma poniyitamiwin ka itcikātek?
4. Kekwāy oma meskanaw tipeyimisowin ka itcikātek kakeyaw kicih eyiniwak?
5. Tānsi oma keyānaw kākeyaw ka kih totamahk ka wecihiweyahk poniyitamiwinihk isi?

Ka kiskinahamākaniwik kekwāy

Tawinikātew oma aka pekswihk oma ohci eyiniwak opimātsiwiniwaw ekota kiskinahamākewinihk. Oma ka isi kiskinahamākaniwik e itateyimicik kiskinahamawākanak kita nakateyitāki Ayamiwin, Papimātsiwin, Nehiyawi kekwāy ka Kiskinahamākaniwik, Meyayāwin, Isihcikewin, ekosi mēna Meyayāwin ekwa Eka Kākosihk, Ka Wecihiwihk kā Pimpayik oma Kitaskenaw, Oyasowewin, Mēna nanātohk Ᾱpatcihcikan.

Kekwāya ka Apatāhki

Itowa oma kekwāy ka wih apatcihtāyin, māskoc māka piko ka ayāyin oma cikastepayicikan, mamatawi āpatcihcihkan ita kocihpayik, mamātawi āpatcihcihkan, mēna ahpo cikāstepecikana kayas mana kākih itakwaki, (DVD ahpo e-pitokepayik) mēna anihi ka pacihtāyin ka māmiskotaman kekwāy oki pā peyak ka mamiskotākik kekwāy. Atiht māka ewakoni ka akitewa.

Oyasowewinihk kapatāhki

Ayamih ka Sihtoskaman Kānata kihkasinahamwak oma legal instruments Oyasowewinihk kapatahki, kesi nistotākwaniyik, ewakoni kecihkateki ohi mitahtat nesosāp 12 kiskinahamākewina. Atiht e-nawasonikāteki ewakoni masinahikewina eka oyasowewinihk ka otinikāteki ota mekināniwinwa ka ma miskocikāteki ekwa mena ka nitonikātek kekwāy ka wecihiwemākaki.

Misiwe Iskamik ka Wicihkātek Eyiniwak ka isi kispewātihcik

• Ka miskocikātek 1: Kakeyaw peyakwan kesi pamihecik.
• Ka miskocikātek 18: Pikwesi ka isi tāpwihtak aweyak.
• Ka miskocikātek 25: katawa ka isinakwaniyik ita aweyak ka wekit.
• Ka miskocikātek 26: Ka tawinamaht Kiskinahamāsowin.
• Ka miskocikātek 27: ka pakitiniht eka ka kitamahāt pikwesi ka isi pimātsit isi kota ka isi pakitinimiht.

Kānata ohci ka isi pakitinamaht ēyinew

• Ka piskihtastek 2: kakeyaw pakitinamātowina
• Ka piskihtastek 7: Pimātsiwin, Paspewin ekwa Peyātakeyimowin.
• Ka piskihtastek 15: Kakeyaw pewakwan ka isi pamihit.
• Ka piskihtastek 23: Eka ka mihcetihk Ayamowin peyakwan ka isi kiskinahamācikātek.

Māmawi askihk Okimawak otwewiniwāw Askeweyiniwak kicih

• Ka miskocikātek 7: Ka Ayācik Pimātsiwin, Paspewin ekwa Peyātakeyimowin.
• Ka miskocikātek 8: eka ka nisowanācihtāniwihyik isihcikewina.
• Ka miskocihkātek 9: ka wecihiwecik otihtāwiniwahk mēna Otaskihwahk.
• Ka miskocikātek 10: Ekā ka ekatesahocik.
• Ka miskocikātek 11: Ekā ka maskamihcik o tihtwawiniwawa.
• Ka miskocikātek 12: Pekwesi ka isi tāpwe tāhkik ka pakitinicik.
• Ka miskocikātek 13: Ka kitiyitākik otayamowiniwāwa, kayās ka kih pe ispayiyik ekwa Otācihmowiniwawa.